Ish-ministri i Drejtësisë, Ylli Manjani, ka reaguar ashpër pasi kryeministri Edi Rama në tentativën e tij për të mbrojtur këngëtarin serb Goran Bregoviç ofendoi shqiptarët duke i quajtur mesjetarë dhe histerikë.
Përmes një postimi në Facebook, Manjani thekson se Rama pati gjithë kohën e mundshme tëofendojë shqiptarët që nuk e duan Bregoviccin, por nuk tha asnjë fjalë për akulloret kancereogjene që u janë shitur fëmijëve.
Postimi i Manjanit:
Nuk ka asnjë fjalë (llogari jo e jo) për të thënë për 11 tonë akullore kancerogjene që qarkullojnë në treg, por gjuhën e ka brisk kundër kujtdo që i shan Goranin!!!
“Mesjetarë” qenkan të gjithë ata që se duan Goranin. Kurse Gorani dhe muzika e tij tribale qenka moderne.
Ka pirë ky apo bën vetë?! E mban dhe veten për artist…
Po mirë, le ta zëmë se ashtu jemi, pra mesjetarë, po zotëria e Tij çfarë është?Kryeministri i mesjetarëve?!
Dakord pra, më mirë mesjetar se tru shpërlarë.
Leshi i bardhë i fytyrës nuk e mbulon dot faqen e zezë, or jo!
