Një e moshuar ka mbetur e plagosur ndërsa banesa e saj u përfshi nga flakët, mesnatës e sotme në fshatin Saraqinisht të Gjirokastrës.
Banesa e shtetases me iniciale O.Dh, 84 vjeç është përfshirë nga zjarri rreth orës 00:57 të mesnatës.
Si pasojë është djegur banesa si dhe ka marë plagë të lehta në trup kjo shtetase, e cila jetonte e vetme në banesë.
84-vjeçarja është shoqëruar për trajtim mjekësor në spitalin Gjirokastër dhe mësohet se ndodhet jashtë rezikut për jetën.
Sipas policisë, shkak i rënies së zjarrit dyshohet të ketë qenë një shkëndi e dalë nga oxhaku.
