Moti i keq ka pezulluar lundrimet nga porti i Barit drejt atij të Durrësit, deri në përmirësimin e situatës.
I ftohti dhe erërat të forta kanë bërë që deti të ketë dallgë të mëdha duke e bërë të pamundur lundrimin, si për anijet ashtu edhe për tragetet.
Era është me shpejtësi 70km/h me drejtim verilindje, ndërsa deti mbi 7 ballë, çka e bën të pamundur lundrimin e trageteve drejt Durrësit.
Ndërkohë Kapitaneria e Durrësit ka lajmëruar të gjitha anijet tregtare dhe peshkarexhat të qëndrojnë në vendstrehime të sigurta për shkak të motit të keq me erë të forte.
