Policia e Divjakës ka proceduar penalisht dy persona, pasi akuzohen për zjarrëvënie. Lajmin e dha policia e zonës, ku përmes një njoftimi zyrtar, bëri me dije se është prangosur shtetasi P. R, i cili i vuri zjarrin disa barërave të thatë fillimisht.
Për pasojë, zjarri doli jashtë kontrollit, duke dëmtuar pronën e një personi. Sipas policisë, zjarri dogji bazën ushqimore të blegtorisë.
Procedimi ka nisur edhe për shtetasin D. N., pasi gjatë natës në fshatin Plug, dyshohet se ka djegur një sipërfaqe toke me fshesë të korrur në pronësi të shtetasit M. Ç.
