Gianluigi Donnarumma është prioriteti kryesor i Milanit. Është vetëm 17-vjeçar, por i ka mahnitur të gjithë, duke tërhequr interesin e Juventusit, ndërsa nuk mungojnë edhe klubet jashtë Italisë që e dëshirojnë, me Liverpoolin, Manchester Unitedin, Real Madridin e Barcelonën.
Por, kuqezinjtë e Milanit janë duke tentuar që të organizojë sa më shpejt një takim me menaxherin e lojtarit, Mino Raiola, duke i ofruar rinovimin e kontratës deri në vitin 2022 me rrogë që do t’i pesëfishohet.
Sipas “Corriere dello Sport”, Milani synon që ta mbyllë marrëveshjen e re deri më 25 Shkurt 2017, dita kur Donnarumma do të festojë 18-vjetorin e lindjes dhe mund të firmosë kontratë me kohëzgjatje katër vjeçare.
Me kontratën e re, nga një milionë, Donnarumma do të fitonte pesë milionë euro, një propozim që në total do t’i kushtojë Milanit plot 50 milionë euro. Kjo është e njëjta shifër, me të cilën Gianluigi Donnarumma vlerësohet aktualisht në treg.
