Një aksident me një person të plagosur ka ndodhur këtë mëngjes në aksin rrugor Fier-Seman, në fshatin Fermë.
Policia njoftoi se një automjet është përplasur me një biçikletë dhe për pasojë ka mbetur i plagosur drejtuesi i dyrrotakut.
“Rreth orës 09:40, automjeti tip ‘Toyota’ me drejtues shtetasin I.H., është përplasur me një biçikletë që drejtohej nga shtetasi B.Sh., 58 vjeç, ku për pasojë është dëmtuar drejtuesi i biçikletës, i cili ndodhet në spital nën kujdesin e mjekëve”, njoftoi policia.
Grupi hetimor po punon për zbardhjen e shkaqeve të aksidentit, shtuan të njëjtat burime.
