Një person është gjetur i pajetë në Vlorë mëngjesin e kësaj të Shtunë. Policia njoftoi se viktima, një i ri rreth 25 vjeç ende i paidentifikuar, është gjetur pa shenja jete brenda një automjeti. Dyshimet janë se është ekzekutuar me armë zjarri.
Burime policore bëjnë me dije se kanë qenë kalimtarë që kanë pikasur të riun e pajetë brenda makinës dhe kanë njoftuar autoritetet që kanë shkuar në vendngjarje.
Policia njoftoi se “rreth orës 07:35, në aksin rrugor Vlorë-Babicë, në rrethanave ende të paqarta, është gjetur pa shenja jete brenda në automjet, një shtetas ende i paidentifikuar, rreth 25 vjeç, i cili dyshohet se ka humbur jetën nga përdorimi i armës së zjarrit”.
“Shërbimet e Policisë kanë mbërritur menjëherë në vendngjarje, ndërsa rupi hetimor nën drejtimin e Prokurorisë po vijojnë punën për zbardhjen e plotë të rrethanave të ngjarjes”, shtuan të njëjtat burime.
