Të ecurit gjatë natës rrugëve të Tiranës është kthyer në një sfidë për shumë persona, por kryesisht për femrat. Janë të shumta rastet kur femrat ngacmohen gjatë natës dhe kjo ndodh edhe në vende ku ka shumë kamera, njerëz dhe disa raste edhe policë.
Së fundmi një vajzë ka denoncuar në redaksinë e JOQ ALBANIA një rast aspak normal që ndodh në Tiranë, kryeqytetin e shqiptarëve ku mendohet se çdo kush është i sigurtë në çdo moment të ditës apo natës.
Vajza në fjalë ka treguar se më datë 19 gusht, rreth orës 00:00 pasi kishte dalë nga puna dhe ishte duke ecur në “Rrugën e Kavajës” është sulmuar nga një djalë i panjohur për të. Ajo ka treguar se ishte duke ecur kur djali në fjalë i veshur me të zeza e ka qëlluar me diçka në fytyrë dhe më pas është larguar sikur asgjë të mos kishte ndodhur.
Vazja është plagosur në pjesën e buzës dhe ka disa qepje në pjesën e jashtme dhe të brendshme të saj. E reja kërkon që me anë të publikimit të këtij rasti, djali i cili e goditi pa patur njohje dhe asnjë problem me të të gjendet sa më parë, që askush të mos ecë me frikë në Tiranë.
Mesazhi i vajzës:
Pershendetje JOQ ne oren 00:27 19.08.2021 me ka goditur nje djal ne qender tek mon chéri. Djali me ka goditur aq fort (sipas doktorit, me doreze) sa me duhet te qepja buzen dhe brenda dhe jashte. Nuk e pash djalin kur po vinte sepse isha ne cel dhe me ka goditur e ka ikur direkt as nuk foli as nuk beri reagim tjeter pervec grushtit. E theksoj qe nuk kam probleme me njeri sa kisha mbaruar punen dhe po shkoja ne shtepi. Me kan then qe ky rast eshte perseritur dhe her tjeter por vetem me goca. Po ju dergoj videot dhe kush ka mundesi ta indetifikoj qe ta gjejm bashk dhe mos te kemi frik te ecim vetem ne rruget e Tiranes. Faleminderit dhe e vlersoj nese mundoheni ta gjejm dhe jo te paragjykoni rastin.
