Mali i Zi ashpërson masat kundër pandemisë, mes rritjes së rasteve me koronavirus si pasojë e variantit delta.
Autoritetet njoftuan të Premten se të gjithë ata qe do të hyjnë në vend, përfshirë shtetasit shqiptarë, do të duhet të kenë certifikatë vaksinimi, test negativ ose dëshmi për shërimin nga Covid-19 muajt e fundit.
Masat hyjnë në fuqi nga 20 gushti, dhe do të zbatohen deri në 10 shtator.
Po ashtu edhe vendasit, do të duhet të paraqesin dëshminë e vaksinimit apo të testit negativ për të marrë pjesë në dasma, ditëlindje apo festa të tjera me grumbullime masive.
