Eksodi i emigrantëve nga Afganistani, nuk po mbështetet nga Irani. Qeveria iraniane mësohet se ka mbyllur kufirin me Afganistanin, në mënyrë që të ndalojë emigrantët të futen në vendin e tyre. Kujtojmë se disa ditë më parë, Irani po ngrinte kampe refugjatësh përgjatë kufirit, por tashmë ka ndryshuar të marrë masën e rreptë të mbylljes së ‘portave’.
Aktualisht, në Iran po jetojnë 780 mijë refugjatë afganë, ndërkohë nuk dihet shkaku pse Irani ka marrë këtë vendim.
Kujtojmë se talebanët pushtuan Afganistanin disa ditë më parë, duke bërë që shumë qyetetarë të largohen. Shumë prej tyre do të strehohen në Shqipëri dhe Kosovë.
