Brenda javës në Shqipëri pritet të akomodohen 250 afganët e parë, kryesisht gra dhe fëmijë. Ata do të strehohen fillimisht në godinat e Qytetit Studenti, për një priudhë dy javore.
Nuk dihet nëse brenda këtij dy javëshi ato do të mund të pajisen me dokumentet e nevojshme për të udhëtuar drejt SHBA, apo do të zhvendosen në godina të tjera.
Gjithsesi nga autoritet brenda mbrëmjes së sotme do të lirohen 4 godina në Qytetin Studenti, përkatësisht 2, 4, 24 dhe 25.
Studentët që qëndronin aktualisht në to, kryesisht ata që nuk largohen nga Tirana gjatë verës, do të zhvendosen në godina të tjera.
Ndërkohë që sipas raportimeve, të tjerë afganë që pritet të mbërrijnë nëShqipëri do të akomodohen në zonat rreth Tiranës dhe Durrësit, ndoshta në godinat hoteliere.
