Vijon lufta me zjarret në Shqipëri, ndërsa çdo ditë shfaqen vatra të reja. Sot, një zjarr me përmasa të mëdha ka rënë në fshatin “Andon Poçi”, Bashkia Gjirokastër.
Me dhjetëra forca policore kanë shkuar në vendngjarje për të shuar flakët të cilat janë tepër agresive në një zonë me shkurre në hyrje të fshatit.
Në ndihmë, në vendngjarje kanë shkuar edhe 3 PMNZSH të Gjirokastrës, Dropullit dhe Libohovës.
Situata mund të precipitojë nga momenti në moment pasi era po i ndihmon flakët që të avancojnë drejt banesave.