Kryeministri Edi Rama vijon pushimet në jug të vendit. Në një video të tranmetuar nga TCH, Rama duket në shoqërinë e familjarëve të tij ndërsa pushon në Vuno.
Kreu i qeverisë është filmuar në një prej lokaleve të fshatit turistik.
Një ditë më parë nga rrjetet sociale, Rama njoftonte vendimin për të strehuar afganët në Shqipëri, jeta e të cilëve rrezikohej nga talibanët. Ndërkohë që Kryeministri nuk la mënjanë të merrte meritat se ishte ai i pari që kishte hedhur idenë në një samit të NATO-s, ndërsa sulmoi ata që prej ditësh kundërshtonin në rrjet strehimin e afganëve në Shqipëri.
