Policia e Lushnjes bëri të ditur se ka shkatërruar njv grup kriminal, ndërsa arrestoi 4 persona të moshës nga 35 deri në 63 vjeç, që merreshin me shpërndarjen e narkotikëve.
Gjatë operacionit u bë arrestimi në flagrancë i shtetasve L. M., 63 vjeç, J. M., 37 vjeç, E. M., 35 vjeç, të tre banues në Mërtish dhe E. Dh., 40 vjeç, banues në Divjakë.
Këta shtetas u kapën në kushtet e flagrancës nga shërbimet e Policisë në fshatin Mërtish, në banesën e shtetasit L. M., me një sasi lëndë narkotike e dyshuar cannabis sativa dhe 800.000 lekë të rinj të cilat dyshohen se janë përfituar nga ky aktivitet kriminal.
Policia bën me dije se në kuadër të operacionit të koduar “Mërtishi”, është bërë i mundur sekuestrimi i lëndëve narkotike cannabis sativa, 800.00 lekë të rinj dhe automjeti tip furgon me të cilën autorët shpërndanin lëndën narkotike.
“Finalizohet me sukses nga Komisariati i Policisë Lushnjë në bashkëpunim me strukturat e DVP Fier operacioni policor i koduar “Mërtishi”.
Sekuestrohen lëndë narkotike cannabis sativa, 800.00 lekë të rinj dhe automjeti tip furgon me të cilën autorët shpërndanin lëndën narkotike.
Materialet i kaluan Prokurorisë pranë Gjykatës së Shkallës së Parë Lushnjë për veprën penale “Prodhimi dhe shitja e narkotikëve” e kryer në bashkëpunim”, njoftoi policia.
