Një 28-vjeçar është vënë në pranga ditën e djeshme në New York pasi u fut fshehurazi në apartamentin e këngëtares së famshme, Taylol Swift.
Mediat e huaja raportojnë se Patrick Nissen arriti të futej në hollin e apartamentit të këngëtares pa u vënë re nga rojet e sigurisë, të cilët njoftuan policinë menjëherë sapo e dalluan. Për fat të mirë, Taylor Swift nuk ndodhej në shtëpi në momentin kur ndodhi ngjarja.
Mësohet se ai ka tha para policëve se arsyeja pse hyri në shtëpinë e këngëtares ishte pasi është i dashuruar me të prej shumë vitesh.
Patrick Nissen ka treguar se ishte aq i fiksuar pas Taylor, saqë udhëtonte të paktën tre herë në javë me autobus nga Nebraska, qyteti ku jetonte, deri në New York, vetëm me dëshirën se mund ta shihte ndonjëherë.
Kjo nuk është hera e parë që ndodhin situata të ngjashme për këngëtaren.
Në prill të këtij viti, një 52-vjeçar u vu në pranga nga policia teksa përpiqej të futej në apartamentin e Taylor Swift në Tribeca.
Një përfaqësues i NYPD tha se policia arriti në ndërtesë rreth orës 23:00 pasi mori një telefonatë që tregonte se një burrë po përpiqej që të hynte nga dera e përparme.
