Nga Enton Abilekaj
Kryeministri ka kohe qe shfryn dufin ne rrjetet sociale, sa here i duhet te shprehet per nje çeshtje te rendesishme. Kete beri me Bregoviçin, me minishengenin e pagezuar Open Balkan dhe sot me çeshtjen e afganeve.
Nuk ben mbledhje qeverie per te diskutuar mundesite dhe kapacitetet. Nuk diskuton me eksperte se si do jetojne afganet qe, ne ate kohe tranzitore qe do jetojne ne Shqiperi, te mos ndihen si ne kamp perqendrimi.
Nuk diskuton me shoqerine si te pranohen ata intelektuale, artiste, profesioniste qe do rrine ketu ndoshta 5 vjet sa te behen procedurat ne SHBA.
Ne vend te ketyre ai sillet si rrugaçi me i artikuluar i rrjeteve sociale. Shfryn dufin me ata qe jane kunder, kapet pas parimeve qe as i zbaton dhe as i respekton, rremben flamurin amerikan (te njejtin qe shtynte me perbuzje nga tryeza kur ishte kryetar bashkie) dhe mendon se ka te drejte ta perdore bishtin e flamurit si shkop per te rrahur kundershtaret.
Shqiptaret nuk e kundershtojne ardhjen e afganeve. Ka zera kunder qe nxiten me shume nga fakti qe ky eshte vendim i Edi Rames. Zera qe shohin tek pranimi i afganeve nje bonus per Edi Ramen, nje tjeter licence per te vjedhur zgjedhjet e ardhshme, nje mandat pa mbarim. Keta qe mendojne keshtu mjafton te kujtojne kohen kur Berisha pranoi uiguret dhe me pas muxhahedinet. Atehere ishte Rama qe hidhte gurin dhe fshihte doren, duke dale kunder pranimit te tyre, pasi shihte aty nje mandat politik pa afat per Berishen. Pandehma doli e gabuar, ashtu si kjo e sotmja eshte e tille.
Ka disa qe ndihen te fyer nga menyra se si Edi Rama, me mandatin e rrembyer apo te blere, negocion arbitrarisht, duke injoruar gjithe faktoret dhe aktoret vendas.
Vendime te tilla duan konsensus. Lehtesisht i arritshem ne nje vend proamerikan, me tradita mikpritjeje, ne nje komb me ligje mikpritjeje. Pranimi i afganeve nuk ka pse mos te jete konsensual.
Ka pak njerez qe shohin tek kjo nje projekt te Edi Rames per te shpopulluar vendin nga shqiptaret, duke e lidhur me banglandeshasit dhe indianet qe po vijne si fuqi punetore alternative dhe po popullojne bizneset dhe hapesirat e banimit.
Te gjithe ata qe jane kunder pra, per secilen nga arsyet e mesiperme, jane per faj te Edi Rames, per faj te politikes se tij per te rrembyer flamurin amerikan dhe per ta perdorur kunder te tjereve, per faj te prepotences vendimmarrese apo aksionit te importimit te fuqise punetore per te zevendesuar shqiptaret qe duan kushte pune si ne Europe.
Keshtu qe facebook- isti qe ushtron pushtetin e Kryeministrit- part time, duhet ta mendoje nje here, megjithese eshte vone: po sikur te ishte Kryeminister qe punon part time ne Facebook?
