Një mik i ngushtë i këngëtarit George Michael ka deklaruar se përdorimi i drogës i shkatërroi karrierën artistit. Gary Farrow tha se Michael po luftonte me varësinë nga droga në momentin që ai vdiq.
Ai vdiq në moshën 53-vjeçare në shtëpinë e tij natën e Krishlindjeve. Farrow deklaroi se pavarësisht problemeve me drogën Michael kishte të paktën edhe dy albume të tjera që do hidhte në treg përpara se të tërhiqej nga skena.
Sipas tabloidit britanik “The Sun”, Gary Farrow theksoi se “Besoj se droga ishte shkaku i problemeve të tij. E kishte të vështirë të luftonte këtë varësi”. Ndërsa një i afërt i këngëtarit deklaroi për një media tjetër se ai ishte një përdorues i regullt i heroinës dhe se shpesh ishte shtruar me urgjencë në spital.
