Në lojë janë 270 mln euro dhe bonuse, ndërsa bëhet fjalë për transferimet e dy sulmuesve.
Manchester City është gati të paguajë 150 mln për kapitetin e Anglisë, Herry Kane, i cili luan për Tottenham, por dëshiron të largohet. Madje “Citizens” janë gati edhe për një bonus në mënyrë që klubi i Tottenham të bindet.
Në anën tjetër, Real Madrid është gati të paguajë 120 mln euro te PSG për Kylian Mbappe. Francezit i përfundon kontrata verën e 2022 dhe nëse klubi parizien do të refuzojë sot ofertën e madrilenëve, lojtari mund të largohet me parametra zero nga PSG.
Më parë ishte raportuar se PSG po mendon të ofrojë Ronaldon, si një zëvendësues të Mbappe. Ronaldos i përfundon kontrata me Juventus vitin e ardhshëm, ndaj dhe ai mund të largohet me parametra zero nga “Zonja e Vjetër”.
