Milani është ende në kërkim të një mesfushori sulmues.
Me largimin e Hakan Calhanoglu, Milan po tenton të ofrojë një lojtar cilësor, që lidh mesfushën me sulmin, edhe pse kanë konfirmuar Diaz.
Maldini ka vlerësuar me kujdes, se cili mund të jetë profili i duhur për të plotësuar rolin.
Një nga emrat që bind më shumë menaxherin e Milanit është ai i Nikola Vlasic. Kroati ka qenë në pole position për ca kohë, së bashku me sllovenin Josip Ilicic, edhe pse pati disa vështirësi me CSKA në formulën e transferimit.
Klubi rus nuk dëshiron ta transferojë lojtarin në huazim, por t´i shesë kartonin.
Ndërkohë, lajme të reja mbërrijnë nga Kroacia. Portali net.hr raporton deklaratat e babait të futbollistit në lidhje me të ardhmen e djalit të tij.
“Sa i përket Nikola, ai dëshiron të largohet nga CSKA, është koha për t’u larguar. Edhe klubi e di mirë këtë. Djali im është i bindur për zgjedhjen e tij, kjo është ajo që ka rëndësi. Të shohim se çfarë do të ndodhë…”, shprehet ai.
Milani u kthye fuqishëm mbi të. Pista e Zenit u zbeh pasi klubi i Shën Petersburgut zgjodhi brazilianin Claudinho.
Distanca mbetet, veçanërisht për shkak të kërkesave të CSKA për një garanci blerje, por Rossonerët vazhdojnë të negociojnë.
