Banorët fshatit Lumas kanë kallëziar në SPAK për “shpërdorim detyre” Kryeinspektor pranë IKMT, Albert Zybeja.
Kallëzimi penal i banorëve të Lumasit u krye mesditën e sotme, pas takimit që një përfaqësi e tyre kreu me Kryenspektorin Zybeja, ku mësuan se nuk është marrë asnjë vendim prej tij për pezullimin e punimeve në kanionin e Sinecit, pas akt-konstatimit të shkeljeve nga IKMT Elbasan.
Në kallëzimin penal të firmosur sërish nga 123 banorët e Lumasit kërkohet ndjekje penale për “shpërdorim detyre” për Kryeinspektor pranë IKMT Tiranë, Albert Zybeja,i cili duke mos marrë asnjë masë po lejon që të vazhdohet të punohet dhe të dëmtohet Kanioni i Sinecit në mënyrë kriminale,e cila është Zonë e Mbrojtur.
Sipas banorëve, duke qënë se Kryeinspektori i Inspektoriatit Kombëtar të Mbrojtjes së Territorit, u njoh me relacionin e shkeljeve ligjore të konstatuara nga 3 inspektorët e IKMT-së Elbasan, duhet të vazhdonte proçedurat e mëtejshme ligjore, duke marrë masa të mënjëhershme për pezullimin e punimeve në burimin e Sinecit dhe gjobitjen e firmës Salillari që ka shkatërruar dhe po shkatërron Monumentin e natyrës, Kanionin e Sinecit.
Në kallëzimin penal të 123 banorëve të Lumasit thuhet se kyeinspektori Zybeja, jo vetëm që nuk ka vijuar me proçedurat e mëtejshme ligjore por po mundohet të zhbëjë proçesverabalin e mbajtur nga ana e 3 inspektoreve të IMT Elbasan, me qëllimin e vetëm të mbrojtjes së kryebashkiakut të Kuçovës Kreshnik Hajdari, i cili ka lejuar të ndërtohet në një zonë të mbrojtur pa marë më parë edhe leje as nga Baseni Ujor Shkumbin Seman.
Në kallëzimin penal thuhet se nga ana e këtij kryeinspektori, jo vetëm që nuk është vijuar me proçedurat e mëtejshme ligjore por ai po mundohet të manipulojë provat duke ngritur një tjetër grup pune me qëllimin e vetëm të manipulimit të provave për fshehje të fakteve dhe provave,të cilat dëshmojnë qartë se në burimin e Sinecit po ndërtohet në mënyrë kriminale.
Pas inspektimit të kryer nga IMT Elbasan, u konstatua se në zonën e Sinecit janë kryer shkelje të rënda.
Kanë qënë 3 inspektorët e IKMT-së Elbasan: Klajdi Merxhani, Aranit Çela dhe Ardian Lufo ata që kanë mbajtur edhe proçes-verbalin e konstatimit të kundravajtjes, proçes-verbal i mbajtur në datën 05.08.2021.
Inspektorët ushtruan kontrroll në bashkinë Kuçovë dhe në kantierin e ndërtimit në Kanionin e Sinecit (monument natyre) dhe konstatuan kundravajtjet ligjore: marrja pa leje administrative e ujit, mospajisje me autorizim, veprimtari që kryhen në kundërshtim të mbrojtjes së brigjeve dhe ndërtimin e objekteve për shfrytëzimin e burimeve.
Edhe Agjencia e Menaxhimit të Burimeve Ujore, Zyra e Adfministrimit të Basenit Ujor Shkumbin-Seman, ka bërë me dije sot nëpërmjet një shkrese zyrtare se,bashkia Kuçovë nuk është e pajisur me leje përdorimi të burimit ujorë për të cilin bëhet fjalë nga organet e menaxhimit të burimeve ujore.