Bashkëshorti i modeles shqiptare, Angela Martinit, Dragos Savulescu është liruar nga paraburgimi në Greqi. Por biznesmenit rumun i është ndaluar të largohet nga Greqia, derisa të gjykohet ekstradimi për në Rumani.
Të hënën, biznesmeni u arrestua në ishullin Mykonos sepse Rumania kishte lëshuar një urdhër -arresti evropian në emrin e tij pas një dënimi prej pesë vjet e gjysmë burg për korrupsion, shkruajnë mediat rumune. Për kapjen e tij u përfshinë zyrtarët e Nën Drejtorisë së Policisë së Mykonos.
Në reagimin e saj të parë, modelja shqiptare Angela Martini ka postuar në Instastory vetëm emojin e një fytyre që qesh. Gjithashtu ajo ka shkruar në një postim tjetër: “Besa. Kontrollojeni në Google”. Nuk e dimë se kujt ia drejton mesazhin në këtë rast, por mund t’ju dedikohet njerëzve që e kanë tradhtuar në këto momente të vështira.
