Pavarësisht vendimit të Gjykatës së Lartë për pezullimin e punës për hecet në Valbonë, Shoqëria koncensionare “Dragobia Energy” plotësisht në pronësi të “Gener 2 Sh.P.K” vijon aktivitetin e prodhimit të energjisë përmes HEC-eve “Çerem” dhe “Dragobia” në këtë vend. Faxneës siguron disa video ku duken mjetet e punës dhe punëtorët që vijojë aktiivtetin.
Videot janë bërë mëngjesin e kësaj të enjteje. Por fakti komfirmohet edhe nga banorët e zonës. Përfaqësuesit e kompanisë ende nuk kanë reaguar mbi këtë fakt, por burimet thone se punimet vijojnë, pasi firma koncensionare pretendon se nuk ka marrë një shkresë zyrtare për ndërprerje të punimeve.
Në vitin 2007 u miratua leja për ndërtimin e hidrocentralit “Dragobia”, në Valbonë. Shoqëria “Gener 2”, nënshkroi kontratën koncensionare me Ministrinë e Ekonomisë, Tregtisë dhe Energjisë, si autoritet kontraktues.Fillimisht ishte menduar që të ndërtoheshin katër hidrocentrale brenda zonës së mbrojtur, duke shfrytëzuar burimet ujore të përroit të Çeremit, lumit të Valbonës, përroit të Matinës dhe atë të Milloshit për një periudhë 35-vjeçare.
Më pas, kompania fituese u tërhoq nga vendimi për të ndërtuar katër HEC-e, duke i reduktuar në dy, “HEC Dragobia” dhe “HEC Çeremi”.Komuniteti u angazhua kundër HEC-eve, ndërkohë që firma u akuzua se kishte falsifikuar nënshkruesit në konsultimet me publikun, ku rezultonin firmëtarë edhe persona që ishin ndarë nga jeta.Prodhimi i energjisë po shfrytëzon lumin e Valbonës si dhe ujin e përroit të Çeremit, që rrjedhin brenda luginës së Valbonës, që është shpallur “Park Kombëtar” në vitin 1996. /Faxnews/
