Mënyrat e trafikut dhe njerëzit duket se kanë ndryshuar. Tani nuk janë më shqiptarët ata të cilët e trafikojnë drogën, por vijnë italianët në vendin tonë dhe e marrin për ta trafikuar.
Arrestimi i djeshëm i Lorenzo Pratit mesditën e djeshme në Shkodër, është rasti i dytë brenda pak ditësh, ku qytetarët italianë janë kapur duke trafikuar.
Burime nga policia thanë se mesditën e djeshme në orën 13.00, është vënë në pranga në flagrancë Lorenzo Prati, 24 vjeç, banues në Mantova, Itali.
I riu nga Italia po dje në doganën e Muriqanit në mjetin “Audi”, me targë DE 090 AT, i janë gjetur dhe bllokuar 14.5 kilogram lëndë narkotike e llojit kanabis sativa.
Pak ditë më parë një tjetër italian u kap në doganën e Muriqanit duke tentuar për të trafikuar lëndë narkotike nga Shqipëria për në vendin e tij.
