Emiratet e Bashkuara Arabe e kishin shpallur në kërkim për “grabitje me armë”, arrestohet në Morinë 51-vjeçari, Agron Refheldt.
Sipas një njoftimi zyrtar nga Policia e Shtetit, 51-vjeçari u arrestua me qëllim ekstradimi drejt Emirateve të Bashkuara Arabe.
“Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:
Agron Refheldt 51 vjeç, banues në Prishtinë, Kosovë.
Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar, pasi Interpol Abu Dhabi, Emiratet e Bashkuara Arabe, ka lëshuar ndaj tij urdhër-arrestin për veprën penale “Grabitje me armë “.
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin e tij drejt Emirateve të Bashkuara Arabe”, thuhet në njoftimin e Policisë.
