Nga Boldnews.al
Çfarë është zjarri para zjarrmisë së ministrave që përpëliten në shzlonët e vilës qeveritare për të shuar afshin dhe epshin bashkë? Ai duhet të pushojë, që të jetë i kthjellët, i fuqishëm dhe me mendje të qetësuar kur të nisë shtatori politik. Zjarret do bëjnë të tyren. Kanë djegur mijëra hektarë pyje e kullota, mijëra pemë frutore, uullishte dhe dhjetara shtëpi, ka vdekur edhe një njeri, por këto bilance janë hiçgjë para shqetësimit të Ministrit të Brendshëm.
Ai po vret mendjen si të pushojë sa më gjatë dhe ndoshta “lutet” që ti mbajnë koha e mos bjerë shi për ti prishur pushimët dhe “punimet” në facebook. Një foto që qarkullon e ministrit me pushime mund të ishte skandal në kohën kur vendi digjet dhe minimalisht duhet të ishte në krye të detyrës, në zonat e prekura nga zjarri.
Sikur kjo të ndodhte bie fjala në Greqi, Maqedoninë e Veriut, Mal të Zi, apo edhe Kosovë? Me siguri që do kishte qindra persona në protestë për ti hedhur një kovë ujë të ftohtë, para se të shkarkohej nga drejtuesi i qeverisë. Por kjo nuk ndodh, e as nuk ka për të ndodhur në vendin tonë.
Nuk ndodh as kur u digjet shtëpia sepse nuk vijnë zjarrfikëset në kohë. Nuk reagojnë as kur në Fier për një javë rresht u mbyt qyteti me dioksinën karcerogjene nga djegia e mbetjeve. Nuk reagojnë as kur vendi përmbytej dhe ministrat e Ramës hanin biftekun e artë të Nusretit në Dubai.
Sigurisht as tani që vendi digjet dhe ministri i Brendshëm nuk shkulet nga pushimet. Kjo është forma që kanë ndjekur në tetë vite dhe nuk kanë asnjë arsye që të bëhen më të “përgjshëm” për pozicionin që kanë, mesazhin që duhet të japin dhe përkushtimin për detyrën që u dhurohet nga lideri i tyre shpirtëror Edi Rama.
Sot halli nuk është zjarri, por për pushtetin “hall i madh” mbetet nëse ministrit i është rjepur paksa lëkura nga dielli. Nëse po, duhet ta lyejë me kos deleje jugu, apo krem bio që prodhohet për elitën e Evropës? Me ketë mund të hapet një sondazh serioz nga pushteti. Gjithçka është imazh. Sikur një ministër të shfaqej në publik me lekurën e rjepur të hundës Rama i pari do bënte namin, pasi në filmat propogandistik pamja ka rëndësi, për ta hedhur si “ushqim” për mendjet e njerëzve. Me siguri patronazhistët mund të japin kontributin e tyre në dilemën e madhe” “të lyhet me kos, apo me krem”?
Sa për zjarret nisin ushtarët e rraspakpitur të paveshur dhe ushqyer, ndërsa si mjet propagande mbetet Ministri i Mbrojtjes, që po “lufton” me deklarata nga mëngjesi në darkë, nga toka dhe ajri, sa në një helikopter, në një fuoristradë.