Një organizatë që merrej me trafikun e heroinës dhe metadonit në zonën e Atkias dhe në Prefekturën Chania në Kretë, u shkatërrua nga policia greke dhe Drejtoria e Antidrogës së Atikës.
Të paktën 48 persona janë të përfshirë në këtë organizatë, nga të cilët gjashtë drejtuesit kryesorë u arrestuan së bashku me liderin, ndërsa u konfiskuan më shumë se 16 kilogramë metadon të lëngshëm, heroinë e të tjera.
Hetimi i Prokurorisë së Anti-Drogës zbuloi se drejtuesi i organizatës është 38-vjeçari shqiptar, i cili furnizonte me metadon dhe heroinë dhe e shpërndanin në Atikë dhe Chania.
Një bashkëpunëtore e drejtpërdrejtë e 38-vjeçarit dhe “arkëtare” e organizatës ishte 33-vjeçarja greke, e cila i merrte paratë nga tregtia e drogës, nga trafikantët duke i depozituar në një llogari bankare në emrin e saj.
Pas një operacioni të organizuar policor në Athinë, Kallithea dhe Chania, nga punonjës policie të Prokurorisë së AntiDrogës së Atikës në bashkëpunim me Nën-drejtorinë e Sigurisë Chania, gjashtë anëtarë të organizatës u arrestuan më 6 gusht 2021, përkatësisht tre shqiptarë, dy burra dhe një grua, të moshës 38, 69 dhe 23 vjeç dhe tre grekë, dy burra dhe një grua, të moshës 47, 51 dhe 33 vjeç.
Gjithashtu të bashkë-akuzuar në të njëjtin rast janë 42 persona të lidhur me aktivitetet e organizatës kriminale.
Shqiptari 69-vjeçar ishte përgjegjës për ruajtjen e drogës, ndërkohë që 23-vjeçari shqiptar ishte përgjegjës për transportin e drogës nga Athina në Kretë, ndërsa dy grekët e arrestuar, 47 dhe 51 vjeç, ishin përgjegjës për magazinimin dhe trafikimin e drogës në Chania.
Deri më tani, janë identifikuar më shumë se 250 raste të trafikut të drogës nga anëtarët e organizatës, të cilat vlerësohen se kanë dhënë fitime shumë të konsiderueshme.
Në mënyrë të detajuar, nga hetimet e kryera, u gjetën dhe u konfiskuan gjithsej 16.190 gramë. metadon i lëngshëm, 283 gram heroinë, 5 peshore elektronike, makinë dhe motoçikletë, 10 gëzhoja, thikë palosëse dhe shuma prej 1110 euro. Të arrestuarit u dërguan në Prokurorinë Publike të Athinës.
