Sherr në Paskuqan, 14-vjeçari qëllon me thikë bashkëmoshatarin

Policia e Tiranës ka proceduar penalisht një 14-vjeçar pasi ka goditur me thikë bashkëmoshatarin e tij.

Mësohet se shtetasi i mitur me iniciale A.C 14-vjeç në rrugën “Demokracia“, gjatë një konflikti për motive të dobëta ka goditur me mjet prerës (thikë) bashkëmoshatarin e tij.

I mituri ndodhet në spital dhe jashtë rrezikut për jetën.

Njoftimi i policisë:

Nga specialistët për Hetimin e Krimit në Komisariatin e Policisë Nr. 5 u procedua penalisht shtetasi i mitur me iniciale A. C., 14 vjeç, pasi ditën e djeshme, në rrugën “Demokracia“, gjatë një konflikti për motive të dobëta, ka goditur me mjet prerës (thikë), bashkëmoshatarin e tij, i cili ndodhet në spital, jashtë rrezikut për jetën.