Gjiganti i lojërave elektronike, Sony njoftoi se nga dita e martë, të gjitha të apasionuarit që duan (dhe që ua mban xhepi) mund të porosisin PlayStation e ri.
Bëhet fjalë për Sony PlayStation Virtual Reality, fjala e fundit e teknologjisë në këtë sektor, që do të kushtojë rreth 500 dollarë.
Sony thotë se në këtë çmim përfshihet edhe kamera e PlayStation VR dhe dy tastjerat e kontrollit.
Kompania sqaron se bëhet fjalë për një “dritare” për të porositur online, që nuk do të qëndrojë për shumë kohë hapur. Sony thotë se në verë do të rikthehet me një tjetër ofertë për të apasionuarit pas PlayStation.
