Të tjera detaje zbardhen nga tentativa e përdhunimit ndaj një 22-vjeçareje, nga dy të rinj laçianë natën e Krishtlindjeve.
Sipas BalkanWeb, dy të rinjtë Armonel Bruka 26 vjeç dhe Henri Talo 25 vjeç si dhe vajza me iniciale F.L., janë takuar fillimisht gjatë natës mes 24 dhe 25 dhjetorit tek një club nate shumë të njohur në Tiranë.
Dy laçianët ishin shokët e të njohurve të 22-vjeçare dhe e ftuan për të pirë një gotë. Vajza bashkë me të njohurit ka shkuar në tavolinën e dy laçianëve ku ka biseduar me ta. Pasi kanë dalë nga club-i, dy laçianët e kanë futur në makinë me zor dhe kanë tentuar ta përdhunojnë. Mes thirrjeve të dëshpëruar dhe lotëve vajza iu është lutur ta lënë të lirë.
“Ju lutem mos më bëni gjë, jam e lidhur me dikë tjetër”, mësohet të ketë thënë vajza dhe më pas dy të rinjtë nga Laçi e kanë lënë të lirë.
Por 22-vjeçarja i ka denoncuar në polici, ku ka rrëfyer gjithë çfarë i ka ndodhur. Pas denoncimit, Armonel Bruka 26 vjeç dhe Henri Talo janë shpallur në kërkim.
