Lionel Messi po i afrohet PSG-së. Pas përshëndetjeve emocionale me Barcelonën, “Pleshti” po përgatitet të finalizojë detajet përfundimtare të kontratës, para se t’iu nënshtrohet ekzaminimeve mjekësore me atë që do të jetë klubi i tij i ri.
Sidoqoftë, dita e duhur për mbërritjen dhe testimin nuk duhet të jetë e hëna e 9 gushtit. Në fillim thashethemet ishin përhapur se Messi do të zbarkonte në Francë të dielën, aq sa disa tifozë të PSG nxituan më kot në aeroportin “Le Bourget” për ta mirëpritur.
Ndërkohë, argjentinasi donte të përshëndeste fansat e shumtë Blaugrana, që janë të dhënë pas tij në rrjetet sociale. “Do të më pëlqente të largohesha në një mënyrë tjetër, – shkroi ai, – edhe pse e di që një lamtumirë nuk është kurrë e këndshme…
Las imágenes más duras de Leo Messi entre lágrimas
Do të më pëlqente të qëndroja këtu, bëra gjithçka me këtë qëllim, por për fat të keq nuk ndodhi rinovimi. Nuk kam fjalë t’i falënderoj të gjithë ata që më kanë shoqëruar gjatë gjithë këtyre viteve në Barcelonë. Tifozët tanë, që më kanë dhënë gjithë dashurinë e tyre, të cilëve jam përpjekur t’ua kthej duke dhënë gjithçka për këtë fanellë. Unë iki, por kjo nuk është lamtumirë, vetëm mirupafshim. Rroftë Barça!!!”
Messi pritet të nënshkruajë një kontratë 3-vjeçare me PSG-në, me pagë prej 35 milionë eurosh në sezon. Kjo mund të mos ndodhë vetëm në rast të kthesave të habitshme, prandaj statusi zyrtar i operacionit pritet në ditët në vijim. Argjentinasi do të forcojë më tej grupin në dispozicion të Mauricio Pochettino, duke formuar një treshe sulmi ëndrrash me Kylian Mbappé dhe Neymar.
