Një sherr për arsye banale çuan drejt vrasjes një 34-vjeçar në sy të gruas dhe dy vajzave. Mësohet se gjarja ka ndodhur më 8 Gusht në rrugën Novelli në Bergamo në Itali, në një zonë pranë stacionit të trenit.
Viktima është një emigrant nga Tunizia, Marwen Tayari, i cili prej një kohe të gjatë jetonte në Itali. Ai ishte martuar me një italiane dhe kishte dy vajza.
Mësohet se Tayari po ecte në rrugë së bashku me familjen kur papritmas u has me autorin e ngjarjes, një 19-vjeçar që banonte në të njëjtin pallat me të. Ky i fundit e goditi me thikë në bark disa herë.
Ende nuk dihet qartë se çfarë ndodhi, por karabinierët dyshojnë se ata kanë pasur fillimisht një debat verbal deri kur ngjarja ka përfunduar në tragjedi.
Mediat vendase raportojnë se emigranti humbi jetën menjëherë në vendin e ngjarjes, ndërkohë që autori u arrestua.
