Marjan Levanti, 37-vjeçari që plagosi tre familjarët e gruas së tij mbrëmjen e së premtes në Tiranë do të qëndrojë në burg deri në përfundim të hetimeve.
Gjykata e Krimeve të Rënda ka caktuarsot masën e sigurisë “arrest me burg” për 37-vjeçarin. Seanca është zhvilluar me dyer të mbyllura por mësohet se gjendja psikologjike e Levantit ka qenë mjaft e rënduar.
Të dielën ai tentoi vetëvrasjen në ambientet e paraburgimit në drejtorinë e policisë së Tiranës. Sipas, policisë 37-vjeçari fillimisht ka prerë batanijen e tij në rripa. Më pas ai i ka lidhur në dritaren e qelisë, por në këtë kohë është parë nga një efektiv i policisë.
Marjan Levanti tre ditë më parë plagosi me thikë vjehrrin,vjehrrën dhe kunatin e tij në banesën e tyre. Motiv i këtij krimin sipas dëshmisë autorit kanë qenë ndërhyrjet e tyre ne martesën e tij.
Ai ka sqaruar se ishin pikërisht familjarët e gruas së tij të cilët kishin ndikuar tek ajo për të nisur procedurat për divorcin. Bashkëshortja e tij Eleni Levanti në datën 1 dhjetor kishte dorëzuar në gjykatën e Tiranës një padi ku kërkonte divorcin. Ditën e arrestimit, Levanti tentoi të hidhej nga pallati duke thënë “vetëm i vdekur kthehem në burg”. Kjo, pasi në 2013 ishte arrestuar për plagosje dhe ishte burgosur.
