Tenori i famshëm shqiptar, Ramë Lahaj, ka humbur nënën e tij. Lajmin e trishtë e dha vetë artisti për publikun, përballë të cilëve po performonte ditën e djeshme në sheshin ‘Skëndërbej’ në Prishtinë.
Ai ka mbajtur me version të shkurtuar koncertin pasi e ëma e tij u nda nga jeta dy orë përpara shfaqjes që u zhvillua në sheshin “Skënderbej”. Për këtë arsye, është mbajtur vetëm çereku i asaj që ishte planifikuar nga interpretimet e tij.
“Ju kërkoj falje që duhet me mbyll më herët. As një e treta e koncertit nuk ishte, sepse dy orë para koncertit ka ndërruar jetë personi më i dashur për mua, nëna, por s’desha ta anuloj”, ka deklaruar Lahaj para mijëra spektaktorëve.
