Tashmë është e ditur se Leo Messi nuk do të jetë pjesë e Barcelonës në sezonin e ardhshëm duke i dhënë fund aventurës së tij të lavdishme me klubin ku u rrit si lojtar.
Klubi katalunas nuk ka gjetur fonde të mjaftueshme për të rinovuar kontratën me 34-vjeçarin, duke konfirmuar se legjenda do të largohet.
Laporta ka zbuluar se Barcelona kishte marrëveshje me Messin por për shkak të rregullave financiare nga La Liga nuk u lejua nënshkrimi me argjentinasin.
Tifozët e Barcelonës kanë filluar sulmet ndaj Griezmann. Sipas tyre ai është fajtori kryesor që Messi po largohet nga Barça.
Në qendrën e stërvitjes u pa një numër i konsiderueshëm i fansave katalunas të cilët u dëgjuan duke i thënë francezit, “Ti je fajtori për largimin e Messit”.
