Skuadra e Partizanit ka lënë pas zhgënjimin në Europë dhe ka kryer mbrëmjen e sotme stërvitjen e parë në prag të përgatitjeve për sezonin e ri.
Të kuqtë e drejtuar nga Ilir Daja ishin thuajse të gjithë, me përjashtim të sulmuesit Klevis Dragaj i cili është i impenjuar me Kombëtaren U-19. Të pranishëm në stërvitje ishin dhe Emiliano Musta dhe Herald Marku që u dëmtuat në ndeshjen në Ligën e Konferencës.
Në grumbullimin e parë nuk mungoi as kapiteni Alban Hoxha i cili kohët e fundit është përfolur për një largim nga Partizani.
