Kreu i Kadatrës, Artan Lame, i është drejtuar me një apel qytetarëve që të aplikojnë për t´u pajisur me certifikatat e pronësisë për pronat e tyre.
Apelin Lame e ka drejtuar nga Himara, atje ku ka përfunduar regjistrimi fillestar i pronave në Vuno dhe ka filluar afishimi për Dhërmiun, ku në të dy këto fshatra janë rreth 2500 prona, 1700 në Vuno dhe rreth 800 prona në Dhërmi.
Qe prej sot banoret dhe pronaret e fshatit Vuno mund te aplikojnë për marrjen e certifikatës së pronësisë për shtëpitë dhe tokat e tyre.
Banorët e Dhërmiut do të kenë afat 45 ditë të konsultojnë produktin e punës së Kadastrës, pas së cilës do të kryhet shpërndarja e certifikatave të pronësisë.
Më parë procesi i regjistrimit ka përfunduar në Ilias dhe Gjilekes.
Lame, së bashku me Kryetarin e Bashkisë Himarë Gjergji Goro, kanë dorëzuar në mënyrë simbolike certifikatën e pare te pronësisë se banesës dhe të truallit qytetarit Odise Anagnosti, e cila u përfitua pas përfundimit të regjistrimit fillestar në Vuno.
Lame ka kërkuar edhe me tej disponibilitetin e Bashkisë Himare për t’ju krijuar mundësi qytetarëve për çdo vërejtje që ata kanë në lidhje me punën e Kadastrës. Po ashtu drejtori i Kadastrës kërkoi që të gjithë qytetarët që kanë emrin në listë të aplikojnë për pajisje me certifikatë pronësie, si një dokument për të pasur pronën e sigurt nesër!
