Kadir Sahiner po filmonte familjen e tij duke bërë ecje në mal, por rastësisht ai ka filmuar momentin kur vjehrra e tij 71-vjeçare u rrëzua nga një shkëmb 70 metra dhe humbi jetën.
Teksa po filmonte peizazhin piktoresk malor në pyjet pranë fshatit Tepekov në Provincën Artvin, Kadir kapi pa dashje momentin kur vjehrra e tij, Pumpul Karademir, shkoi në buzë të shkëmbit për të parë poshtë para se ajo të humbte ekuilibrin dhe të binte nga shkëmbi.
Pamjet tregojnë Pumpulin duke u përplasur mbi një shkëmb dhe këmbët e saj mund të shihen në ajër ndërsa ajo bie nga buza e shkëmbit.
Familja e saj, përfshirë burrin Mehmet Karademir, vajzën Ayla dhe mbesën Ceren, ishin të pranishëm dhe e panë të gjithë ngjarjen. Ayla, e bija mund të dëgjohej duke paralajmëruar nënën e saj ‘mos shko, nënë, jo, nënë, mos shko’ ndërsa iu afrua buzës së shkëmbit pak para rënies së saj fatale.
