Një krim makabër ka ndodhur në Greqi, ku djali ka vrarë të atin duke e masakruar me thikë. Ngjarja ka ndodhur në banesën e tyre.
Mediat raportojnë se autori e ka goditur të atin me thikë kuzhine disa herë në gjoks dhe duar teksa ai ishte shtrirë në dhomën e tij të gjumit.
Sipas policisë autori vuante prej vitesh nga problemet psikologjike si dhe ishte përdorues droge.
Policia gjeti dhe konfiskoi thikën e kuzhinës që u përdor për krimin e rëndë.
Në banesën e tyre u gjetën edhe celularë, një armë gjahu si dhe një kartë banke të cilën autori dyshohet se e përdorte për të konsumuar lëndë narkotike.
