Sot është Krishtlindje megjithatë për Marjan Levanti, ish -bashkëshorti i pedagoges Eleni Kocaqi nuk është një ditë festive përkundrazi ai ka tentuar të vetëvritet në qelinë e tij.
Marjan Levanti, është autori i plagosjes së vjehrrës, vjehrrin dhe kunatin të tij para dy ditësh në Unazën e re në Tiranë. Ndërsa, sot në orët e para të mëngjesit,rreth orës 1:20Levanti ka prerë batanijen dhe ka tentuar ta lidhë atë në hekurat e qelisë për t’u vetëvarur. Por një gardian e ka pikasur dhe e ka ndaluar të ndërmarrë veprimin ekstrem.
NJOFTIMI I POLICISE
Më datë 25.12.2016, rreth orës 01:20, në dhomat e paraburgimit të Drejtorisë Vendore të Policisë Tiranë, shtetasi i arrestuar Marjan Levanti, 37 vjeç, ka tentuar të vetëvaret, duke prerë me rrypa batanijen, ku ka tentuar ti lidhë rrupat tek hekurat e dritares por është konstatuar nga punonjësit e policisë me shërbim tek dhomat e paraburgimit. Ku shtetas u dërgua në Spitalin Nr.5 për të marrë ndihmë mjekësore.
