Një tërmet më magnitutë 4 ka goditur ishullin e Nisyros në Greqi.
Sipas Institutit Gjeodinamik lëkundjet u regjistruan në orën 16:23, duke u përqendruar në 27 kilometra në jug-jugperëndim të ishullit të Nisyros dhe në një thellësi fokale prej 17.5 kilometrash.
Tërmeti është vazhdim i aktivitetit sizmik që po zhvillohet në zonën më të gjerë të Nisyros gjatë ditëve të fundit, i cili monitorohet nga sizmologët.