Bruno Telushi pritet të zyrtarizohet te skuadra e Vllaznisë. Mesfushori i njohur ka arritur marrëveshjen me drejtuesit shkodranë e shumë shpejt do të prezantohet në zyrat e klubit.
Vlonjati ishte përfolur që në fillim të kësaj merkato vere për një kalim të mundshëm te kuqeblutë, por për arsye personale zgjodhi të mos firmoste.
Megjithatë tashmë ai ka bërë prapa kthehu. Burime të besueshme pranë klubit shkodran bëjnë me dije për newsport.al që oferta e bërë këtë herë, nuk ka qenë njësoj si e para.
Mësohet se marrëveshja e arritur tanimë arrin shifrën e 6 mijë eurove në muaj dhe jo 7 siç në tratativat e fillimit. Afrimi i Telushit në organikën shkodrane, padyshim që shton dhe rrit ndjeshëm kualitetin në skuadrën e Vllaznisë.