Bruno Telushi është dëshira e madhe e Vllaznisë. Në Shkodër, mediet lokale tregojnë se vlonjati dhe klubi kuqeblu janë rikthyer në negociata.
Disa javë më parë, Telushi dhe Vllaznia gjetën akordin për një sezon, teksa vlonjati në fund prishi akordin për shkaqe familjare.
I mbetur lojtar i lirë pas largimit nga Neftchi Baku, 30 vjeçari e ka gati vendin në mesfushën e Vllaznisë. Tanimë gjërat kanë marrë tjetër rrjedhë, me Telushin që duket se ka bërë prapakthehu dhe mund të jetë pranë nënshkrimit me kuqblutë.
Telushi më herët ka luajtur me Flamurtarin, Partizanin dhe Kukësin, teksa me “Demat” është shpallur kampion i Shqipërisë.
