Elaine Thompson fluturoi në finalen e 100 metrave për femra në Lojërat Olimpike të Tokios këtë të shtunë, me një kohë 10”61 duke shënuar një rekord të ri olimpik.
Xhamajkania, e titulluar tashmë në Olimpiadën e Rio-s në 2016, dominoi me bashkatdhetarët e saj Shelly-Ann Fraser-Pryce (10”74) dhe Shericka Jackson (10”76) në një hat-trick të shkëlqyer dhe të padiskutueshëm të ekipit xhamajkan, që tregon edhe një here se ky vend nxjerr vetëm njerëz të shpejtë, ndër më të shpejtit e planetit.
29-vjeçarja bëhet femra e dytë me e shpejtë e planetit në 100 metra dhe për vetëm 0.12 sekonda i iku edhe rekordi botëror që mbahet nga amerikania, Florence Grifitth që nga viti 1988.
Ajla Del Ponte (10″97) dhe Mujinga Kambundji (10″99) morën vendet e nderit, të pestin dhe të gjashtin, teksa amérikanja Teahna Daniels u rendit e shtata me kohën 11″02, dhe britanikja, Daryll Neita e mbylli e fundit me kohën 11″12.
https://www.youtube.com/watch?v=gz19ulpwCL8
