Në këtë prag fundviti vjen dhurata më e mire për shqiptarët.Autoriteti i Komunikimeve Elektronike dhe Postare ka propozuar ulje të tarifave vitin e ardhshëm, ç’ka pritet të reflektohet edhe në tarifat përfundimtare të klientëve.
Për këte arsye, thirrjet telefonike mes kompanive të ndryshme pritet të kushtojnë më lirë vitin e ardhshëm. Autoriteti i Komunikimeve Elektronike dhe Postare ka propozuar ulje të tarifave të interkoneksionit mes operatorëve celularë. Operatorët e telefonisë së lëvizshme në vend, i paguajnë aktualisht mes tyre për terminimin e thirrjeve në rrjetet respektive 1.48 lekë për minutë.
Nga Shtatori i vitit të ardhshëm, AKEP ka propozuar të ulet në 1.22 lekë për minutë.Nisma bazohet në tarifat mesatare që aplikojnë vendet e Bashkimit Europian, ndërsa përfaqësuesit e Autoritetit të Komunikimeve Elektronike, thonë se kjo do të rrisë konkurencën mes operatorëve celularë.
Nëse plani konkretizohet, ulja e çmimeve mes kompanive pritet të shoqërohet edhe me ulje të tarifave për klientët individual.Tarifat që kompanitë telefonike i paguajnë njëra-tjetrës për telefonatat mes tyre, aktualisht janë më të larta së në tregun e BE-së.
