Mrekullitë ekzistojnë! Familja e Sajid Thungal ka menduar se ai është i vdekur, duke jetuar me këtë ide për 45 vite, deri kur ai rikthehet gjallë e mirë. Historia nisi në 1976, kur avioni që Sajid po udhëtonte, u zhduk, e për pasojë, dyshohej se edhe pasagjerët ishin të vdekur.
Burri, i cili punonte si organizator eventesh me këngëtarë dhe balerina në Abu Dabi, vendosi që të fshihej pasi ndihej i turpëruar nga puna që bënte. Ai shkoi në Bombei, me shpresën se do të gjente një punë më dinjitoze, dhe pastaj të kthehej në shtëpi.
“Doja të vija mënjanë pasuri dhe pastaj t’i thoja të afërmve që jam shëndoshë e mirë. Por, nuk ia arrita dot dhe kështu kaluan 45 vite”, thotë i moshuari, i cili vitet e fundit i ka kaluar në një qendër për të pastrehët. Përgjegjësi i qendrës u vu në kërkim të familjarëve të indianit dhe i gjeti ata, për habinë e të gjithëve.
