Për shkak të një bombe të pashpërthyer që ka mbetur nga Lufta e Dytë Botërore, rreth 54 mijë njerëz që jetojnë në qytetin bavarez të Augusburgut do të evakuohen sot, kanë bërë të ditur mediat gjermane.
Ky njëherit do të jetë evakuimi më i madh i bërë ndonjëherë në Gjermani që pas përfundimit të luftës.
Autoritetet kanë urdhëruar qytetarët që sot në ora 10 të mëngjesit të largohen nga shtëpitë e tyre në ditën e Krishtillindjeve, pasi mbrëmë gjatë disa punimeve u gjet një bomë britaneze me peshë 1.8 ton.
Ata do të duhet të presin 5 orë, derisa të c’aktivizohet bomba, por mund të ndodh që do të jenë të detyruar që mos të kthehen në shtëpitë e tyre deri nesër.
Sipas medieve gjermane, evakuimi i shtye për sot në mëngjes pasi që për shkak të Krishtlindjeve ka më pak njerëz në trafik dhe më pak njerëz në punë.
Një evakuim i ngjashëm u bë edhe në Koblenz në vitin 2011, ku u gjetën bomba të pashpërthyera nga Lufta e Dytë Botërore.
