Epidemiologu Ilir Alimehmeti u shpreh se varianti Delta mund të mos gjejë terren në Shqipëri për faktin se shumë shqiptarë, në një përqindje të lartë, e kanë kaluar Covid-19.
Alimehmeti tha se kontrollet apo paraqitja e pasaportave jeshile në kufi, për shtetasit që hyjnë në Shqipëri, nuk parandalon përhapjen e rasteve dhe kjo dëshmohet nga Greqia.
“Greqia e ka aplikuar pasaportën jeshile, por çfarë ndodhi atje, incidenca e dy javëve të fundit arriti në 290, ndërsa në Shqipëri ishte 10. Pra pasaporta jeshile nuk luan asnjë rol. Ajo që mund të them është se në Shqipëri kemi një imunizim natyral, çka mund të bëjë të vështirë përhapjen e virusit.
Mendoj se vaksinimi është një tjetër armë për të mbajtur situatën nën kontroll dhe mendoj se duhet të merren në konsideratë studimet lidhur me llojin e vaksinave, por edhe nëse duhet të përdoret një dozë e tretë apo jo. Edhe ata që e kanë kaluar Covid, pavarësisht se nuk e kanë të domosdoshme vaksinën, një dozë mund ta marrin. Gjykoj se vëmendja duhet të jetë te ata që nuk e kanë kaluar Covid-19 dhe mendoj se koha më e mirë pvr imunizimin është shtatori”, tha Alimehmeti.
