Gazetari i Elton Qyno zbulon se dorëzimi i kontrolluar i sasisë gati 3 kg kokainë tek Vorri i Bomit do të bëhej kundrejt 100 mijë eurove. Një agjent i infiltruar, sipas tij, ka depërtuar dhe ka hyrë në tratativa për të blerë kokainën.
“Policia nuk ka patur këtë sasi eurosh cash, dhe mësohet se i ka marrë tek një agjensi të njohur “Exchange” në Tiranë. Sasia e eurove është marrë vetëm për t’ia treguar shitësve, por në fakt nuk do ja jepnin atyre, pasi do të bëhej ndërhyrja.
Vendi i takimit ka qenë një zyrë ku jepen makina me qera. Në këtë vend takim, pazari dhe shkëmbimi, mësohet se ishte bërë për 3 kile kokainë, kundrejt shumës gati 100 mijë eurove. Kokaina, ishte futur në dy paketime picash.
Por kur do bëhej dorëzimi i kontrolluar, ndërhyn operacionalja dhe RENEA dhe situata del jashtë kontrollit. Mes rrëmujës, agjentit të policisë i kanë ikur nga duart 100 mijë euro që drejtuesit policorë i morën tek Exchang dhe personi është larguar”, shkruan Qyno në një shkrim të postuar në FB.
Sipas gazetarit: Ata kapën vetëm 1 kg e 128 gramë kokainë brenda një pice, të fshehur poshtë një makine të parkuar në rrugë, por një tjetër detaj i ngjarjes ndërsa ishte policia që kishte futur në granckë këta persona, ndërsa ishte dhe vetë policia, që kishte rënë në grackën e këtyre personave.
“Them kështu pasi Clani, ishte kujdesur që veprimet e blerësit ti mbante në vëzhgim të reptë nga dy persona të tjerë, të cilët do monitoronin veprimet e blerësit dhe çdo situatë të pakëndshme apo veprim të dyshimtë. Pra është luajtur një lojë “Zbulim-Kundërzbulim”.
Policia në deklaratën e thatë të saj për shtyp tha se kapi kokainë, ka shoqëruar dhe disa persona. Më pas doli dhe lajmi që personat e arrestuar janë Erjon Prenga, Gentjan Kore, Taulant Çoku dhe Altin Gega. Mes këtyre personave të ndaluar ishte dhe Gazmend Cani,personi që ju iku me Benz, policëve të RENEA-s. Ai ka treguar se ju ka ikur policisë, për shkak se është trembur.
“Tani personat u kapën, edhe njeriu i benzit u kap, droga po e po. Po 100 mijë eurot ku shkuan?” – shkruan Qyno ndër të tjera në shkrimin me titull “Clan Del Golfo” e “Clan Del Duka”, po 100 mijë eurot si i avulluan policisë?
