Ish-kryeministri Sali Berisha i quan “shtazë me uniformë” efektivët e policisë që shtrin përtokë një gazetar, për shkak se po filmonte një aksion policor.
“Shtaze me uniforme! Shikoni si shtrijnë përdhe gazetarin, sepse po bëne detyrën e tij. Kjo është fytyra e vërtet e narkoshtetit”, shprehet Berisha teksa publikon pamjet e ngjarjes së publikuar nga BoldNews.
Këtë të Martë, në zonën e njohur si “Varri i Bamit” në kryeqytet, efektivë të policisë ndalojnë një automjet duke i kërkuar drejtuesit të dalë prej tij. Ky i fundit nuk i bindet urdhrit dhe largohet. Ndërkohë, policët u turren dy gazetarëve që ishin të pranishëm në vendngjarje dhe një qytetareje që nxjerrin telefonat – me gjasë për të filmuar.
