Gjykata e Krimeve të Rënda ka vendosur të dënojë me 2 vite burg gjyqtarin e Gjykatës së Tiranës, Ibrahim Hoxha, i akuzuar për korrupsion.
Gjyqtari u kap nga policia në një moment duke marrë një shumë parash prej 6 milionë lekësh. Bashkë me të u arrestua edhe djali, Ledion Hoxha.
Përveç dy viteve burg, Ibrahim Hoxhës i është hequr për 5 vite e drejta e ushtrimit të funksioneve publike.
Në momentin e kapjes duke marrë paratë Hoxha deklaroi se ishin të një makine, por prokuroria thotë se këto lekë ai po i merrte për të dhënë një vendim për një palë që ishte në gjyq.
